മേഴ്‌സി ടി.കെ.

എറണാകുളം ജില്ലയിലെ പൂവ്വത്തുശ്ശേരി ഗ്രാമത്തില്‍ പരേതരായ തെക്കിനേടത്ത് ടി.ജി.കുഞ്ഞുവറീത് - കാഞ്ഞൂര്‍ പൈനാടത്ത് മറിയം ദമ്പതികളുടെ മകളായി ജനനം. പൂവ്വത്തുശ്ശേരി സെന്റ് ജോസഫ്‌സ് ഹൈസ്‌കൂള്‍, പാലിശ്ശേരി എസ്.എന്‍.ഡി.പി ഹൈസ്‌കൂള്‍ എന്നിവിടങ്ങളില്‍ പ്രാഥമികവിദ്യാഭ്യാസം. കോമേഴ്‌സില്‍ ബിരുദവും ഇംഗ്ലീഷ്‌സാഹിത്യത്തില്‍  ബിരുദാനന്തരബിരുദവും ജേണലിസത്തില്‍ ബിരുദാനന്തര ഡിപ്ലോമയുമാണ് വിദ്യാഭ്യാസയോഗ്യത. ആനുകാലികങ്ങളില്‍ കവിതയും കഥയും എഴുതാറുണ്ട്. സ്വകാര്യമേഖലയില്‍ ജോലി ചെയ്യുന്നു.